تجملنــا مع بعض الخـلايق والجميل إسـلاف
وحاشــــا الله ما ضهـــرنا بمنّــه فـي صنايعنا
نشوف الجمل يرفـع صاحبه لاقمّـة المشـراف
ولا يهبـــط ســوء اللــي ماتشــرّفهم طـلايعنا
ولكنــا غدينا فــي زمن جاحد بــدون انصاف
وفيــــه أهل المصالــح ماتشــوف الاّ بشايعنا
أذان الطيب صنجا عندهم والجمل مايشتاف
بعيـن اللي بقـــوا سلعة رخيصــه من ودايعنا
فحنــا لو على الواجب تكلفنـا وصـمنا عطاف
عليـــَـم الله ما افطــــرنا على هفوة جشايعنا
مع لجــواد حصّنـا الوفاء ذي ماعليـه اخـلاف
وصــــنّا الــود ذي مايوم قصّـــر من شـرايعنا
ونبقى كف حاتـم ماستطعنا والسنين عجـاف
وفــي سوق المظاهـــر مانـورّد شــي بضايعنا
تربينــَــا على نهـــج المـكارم جامعة الأعـراف
ومن نبـــع السجـــايا الطيبة نــــروي طبايعنا
رقينـا العـــز ياسود الليـَالي والنفـوس عفـاف
وعلى ذروة ســـنام المجـــد شيّـــدنا قـلايعنا
..................................
