عبقر ستور
إبداع

(اشتاق لك) - الشاعرة/ جوهره العنزي الوايليه .. السعودية

شعر نبطي وشعبي

صورة كافر مقال (اشتاق لك) - الشاعرة/ جوهره العنزي الوايليه .. السعودية

ما رمت أداري الشوق في صدري غلا

والقلب من فرقاك يا خلي انفطر

أرسم طيوفك في سما عيني حِلا

وأسقي عروقي من تناهيدك مطر

شب الوجد في ضامري ثم اعتلا

ما شفت روحي كيف ذوبها السهر

أشره على قلبٍ بحبك ما سِلا

يشتاق لك وأنت مجافيني دهر

وصفك يحير والوصوف فيك انجلى

يا بدر نورك في دجى ليلي قمر

أنا اشهد اني في غرامك مبتلا

وقلبي على جمر انتظاري قد صبر

طاغي الجمال ورمش عينك قد علا

وسحر العيون اللي بنظراته سحر

تبطي علي؟ والكون من بعدك خلا

ما عاد فيني صبر يصلى بي سقر

يا ليت وصلك لو دقيقة بس جلا

في جدب روحي لين يحيا بي عمر

وينك؟ تركت القلب في ضيقة وبَلا

وصبري تضايق والليالي ما تمر

أعاتبك والدمع من عيني هَلا

ما خفت ربك في خفوقي يا حجر

أشتاق لك شوقٍ على قلبي غلا

مثل الهشيم اللي لفح فيه السعر

اتغيب وتخنقني مع العبرة البلى

كني سجينٍ يرتجي لحظة ظفر

يا غايبٍ لو طال صدك واعتلا

حبك بقلبي ما تغير واستمر

..............................