ها افضل أرسم للبيوت رجلين بتمشي
بيها تجري وتستخبى م الغارات
أو جناح وتطير ترفرف لما أغني
ف الشوارع والحارات
فوق كتافها الخوف يبات
شكله عايش .. والحقيقة إنه مات
ف الأغاني باستخبى كل ليلة م الغارات
وأفضل أدعي أو أصلي أو أغني
لو صاروخ بالموت وصل لي
مهما يصرخ مش هابطل أغنيات
هافضل أعزف مش هاعيط لما تتهد البيوت
بكرة هاقدر وابني غيرها مش هاموت
صوتي خلى الخوف يغمض مش هاشوفه
لما شافني خبى خوفه من غنايا
هاخد الأحلام معايا والشظايا
وأفضل أرسم أو أغني
..........................
